“可可，想唔想食无骨凤爪啊？”
“哇塞！食凤爪唔洗略骨，超正啊！快D带我去！带我去！带我去啦！！！”
女仔对于凤爪，完全冇抵抗力噶！有骨嘅虽然好食，但都系唔够过瘾，如果有冇骨嘅凤爪，一啖一个食起身就真系超满足啦！
谂到有得食无骨凤爪，可可即刻就缠住东哥带我出发啦！一路上我成日脑入边都系又嫩又爽嘅凤爪肉，佢地一只只都系到勾引我，哩种感觉，真系忍唔住啊！
话甘快，我地就到左位于CD街嘅“谭太无骨凤爪”，探秘无骨凤爪到底食起身有几爽！
探秘无骨凤爪点脱骨？
可可一直都好好奇，一只只无骨嘅凤爪，到底系点样脱骨嘅咧？
谭太带我走进厨房，展示俾我睇，点样帮只凤爪脱骨一只只指头剪开，鸡骨一节节拆出黎，再拆大骨，一只完整嘅无骨凤爪就出黎啦。
每只凤爪拆晒全部嘅骨头都要用到2分钟左右，原黎我地食得甘爽嘅无骨凤爪，都包含住谭太满满嘅诚意啊！脱骨之后的凤爪全部经过清洗，确保卫生。
无骨凤爪酸爽过瘾
睇完D凤爪点样拆骨，可可梗系忍唔住要试下无骨凤爪有几正啦！你睇，个凤爪都系度同我招手，叫我快D食左佢啦！
无骨凤爪一共有两只味，分别系泡椒无骨凤爪、泰式无骨凤爪，只只都系酱汁入边腌足12个钟，超级入味！甘到底有几好味咧？跟住可可去试下啦！
泡椒无骨凤爪
酸爽微辣
哩款泡椒无骨凤爪系谭太专门飞去四川学翻黎噶。最具川菜特色嘅泡椒，辣而不燥，酸中带酸嘅味道，系凤爪嘅最佳搭配。
瞬间就闻到泡椒特有嘅香味，哩只酸味真系好诱人啊！
饱满嘅凤爪，透出诱人嘅色泽，再加上无骨嘅处理，期待值满分！！！
一啖食落，满口都系肉嘅感觉简直爆炸！！！入口先系泡椒特有嘅酸味，有少少辣，咬落仲有D酱汁随住凤爪系口中释放。仲有带住D凤爪嘅筋络软骨，嫩滑中带住爽脆，真系会上瘾噶！
泰式无骨凤爪
酸甜清新
比起浓浓川味嘅泡椒无骨凤爪，可可更加中意泰式酸酸甜甜嘅味道。
哩款系谭太自创嘅口味，为左提升整体嘅口感，特登拣左哩款进口青柠，比一般的柠檬更加清香，同云南嘅小米椒搭配，香得来又唔会相互抢味。
睇到可可都忍唔住黎一啖，饱满厚肉嘅凤爪，酸甜又带D辣嘅酱汁，系口中交融，酸甜嘅滋味有种夏天嘅感觉。
成只凤爪连皮带筋，越嚼越爽脆，重点系成啖都系肉，爽啊！
有骨凤爪越食越过瘾
无骨凤爪啖啖肉爽到爆灯，有骨嘅凤爪同样越食越过瘾啊！
酱汁有骨凤爪
鲜香味美
哩款酱汁有骨凤爪，同样深得可可喜爱。同样都系谭太自己精心炮制噶，用数十种药材同香料秘制而成嘅酱汁，阵阵香气，令人食指大动！
谭太话哩款深得顾客欢迎，因为几符合广东人嘅口味。凤爪皮完全入味，咸中带甜，轻轻一咬就骨皮分离，独特嘅咸香味系口入边回荡！港真，真系一食就停唔到口！
泡椒有骨凤爪
酸辣可口
如果你仲系中意吮泡椒凤爪嘅感觉，哩款泡椒有骨凤爪就岩晒你啦！泡椒嘅酸辣味完全渗入凤爪度，连骨都入晒味，煲剧个阵黎一盒，可以享受一整日啦！
新品卤水系列食过翻寻味
谭太见可可食得甘开心，拿出专门去湖南学翻黎嘅卤水系列俾我试试。佢话用左25种材料卤足十几个钟噶，相信我一定会中意！！
卤 水 凤 爪
要出新品，梗系唔少得凤爪啦！凤爪吸满左酱汁好似识发光，入口绵滑带少少辣，啖啖骨胶原感觉食完都靓D噶！
凉 拌 牛 肚
哩个牛肚睇落去就超诱人，切成薄片嘅牛肚一片一片摆好，再淋上谭太秘制嘅辣椒油，睇起身都超开胃吖！食一旧，又爽又脆，仲带住卤水特有嘅香味，一个字，正！
凉 拌 莲 藕
食完肉，都要食翻D蔬菜嘅，谭太卤水秘制嘅莲藕，咬落去软而不烂，捞埋辣椒油一起食，莲藕嘅鲜甜系卤水嘅味道中慢慢渗出，果种滋味，真系冇办法用言语去形容啊！
谭太无骨凤爪
佛山首家无骨凤爪
讲起点解要做无骨凤爪，谭太嘅想法好简单因为觉得无骨凤爪好食咯！因为中意，所以想学，因为中意，所以可以一直坚持。
小小嘅店面，承载住谭太满满的嘅诚意。墙面上CD同埋黑胶唱片嘅装饰，同成条CD街好衬。
柜台到仲有唔少进口饮料，泰国豆奶、香港葡萄适等等，同凤爪搭配起身都几岩味噶！
因为每一只凤爪都要手工去脱骨，花时间去炮制，所以一日只卖80斤嘅凤爪，如果想食，记得要提早落单啦！
下 单 方 式
· 注意 ·
开盖即食，放冰箱冷藏保存
泡椒/泰式口味的凤爪最多可以保存三天
酱香及卤水系列最多可以保存两天
谭太无骨凤爪
地址佛山市禅城区福兴街（CD街）1街9号铺
电话13798627293
营业时间14:00-22:00
